పాకిస్తాన్‌కు భారీ ఎదురుదెబ్బ తగిలినట్లు వార్తలు వెలువడుతున్నాయి.

పాకిస్తాన్‌కు భారీ ఎదురుదెబ్బ తగిలినట్లు వార్తలు వెలువడుతున్నాయి. బలూచిస్తాన్‌లోని సురబ్ పట్టణాన్ని బలూచిస్తాన్ లిబరేషన్ ఆర్మీ (BLA) సాయుధ దాడులు జరిపి స్వాధీనం చేసుకున్నట్లు తెలిపింది. ఈ పట్టణంలోని అన్ని పరిపాలనా విభాగాలు తమ నియంత్రణలోకి వచ్చాయని BLA ప్రకటించింది. పోలీసు స్టేషన్లు, బ్యాంకులు, ప్రభుత్వ కార్యాలయాలతో సహా ముఖ్యమైన స్థలాలను తమ ఆధీనంలోకి తీసుకున్నట్లు వెల్లడించింది. ఈ దాడిలో పాకిస్తాన్ సైన్యం, పోలీసులకు గణనీయమైన నష్టం వాటిల్లినట్లు సమాచారం.

ఆపరేషన్‌లో BLA బలగాలు పోలీసులను నిర్బంధించి, వారి ఆయుధాలను స్వాధీనం చేసుకున్నాయని, అనంతరం షరతులపై వారిని విడుదల చేసినట్లు పేర్కొంది. ఈ ఘటనలో ఒక పోలీసు అధికారి ప్రమాదవశాత్తు మరణించినట్లు BLA తెలిపింది. క్వెట్టా-కరాచీ హైవేపై నియంత్రణ స్థాపించి, తనిఖీలు, గస్తీలు చేపడుతున్నట్లు కూడా వారు వెల్లడించారు. ఈ ఘటన పాకిస్తాన్‌లో ఆందోళనలను రేకెత్తిస్తోంది, దీనిని 1971 తర్వాత BLA చేపట్టిన అతిపెద్ద దాడుల్లో ఒకటిగా పరిగణిస్తున్నారు.