పండుగ రద్దీకి చెక్.. 16 రైళ్లకు కొత్త స్టేషన్‌లో తాత్కాలిక హాల్టింగ్!

సంక్రాంతి పండుగను పురస్కరించుకుని ప్రయాణికుల రద్దీని సమర్థవంతంగా నియంత్రించేందుకు దక్షిణ మధ్య రైల్వే కీలక నిర్ణయం తీసుకుంది. ఈ పండుగ సమయంలో స్వగ్రామాలకు వెళ్లే ప్రయాణికుల సంఖ్య భారీగా పెరుగుతున్నందున, సికింద్రాబాద్ రైల్వే స్టేషన్‌పై ఒత్తిడి తగ్గించేందుకు హైటెక్ సిటీ రైల్వే స్టేషన్‌లో శామికంగా కొన్ని రైళ్లకు ఆపేందుకు ప్రకటించింది.

జనవరి 7 నుంచి జనవరి 20, 2026 వరకు మొత్తం 14 రోజుల పాటు ఈ ప్రత్యేక ఏర్పాట్లు అమలులో ఉంటాయి. ఈ సమయంలో 16 రైళ్లను హైటెక్ సిటీ స్టేషన్‌లో ఆపనున్నట్లు దక్షిణ మధ్య రైల్వే వెల్లడించింది. ఈ నిర్ణయం ముఖ్యంగా ఐటీ ఉద్యోగులు, గచ్చిబౌలి, కొండాపూర్, మాదాపూర్, మియాపూర్ పరిసర ప్రాంతాల ప్రయాణికులకు ఎంతో ఉపయోగకరంగా ఉంటుంది.

మచిలీపట్నం, నరసాపూర్, కాకినాడ, విశాఖపట్నం, లింగంపల్లి వంటి మార్గాలతో పాటు షిరిడీ, ముంబై వంటి దీర్ఘదూర రైళ్లకు కూడా హైటెక్ సిటీ స్టేషన్‌లో తాత్కాలిక ఆపేట్లు ఉన్నాయి. మచిలీపట్నం–బీదర్, నరసాపూర్–లింగంపల్లి, కాకినాడ పోర్ట్–లింగంపల్లి, లింగంపల్లి–విశాఖపట్నం, కాకినాడ టౌన్–లింగంపల్లి వంటి కీలక రైళ్లు ఇందులో ఉన్నాయి. అదేవిధంగా విశాఖపట్నం–ఎల్‌టిటి ముంబై, ఎల్‌టిటి ముంబై–విశాఖపట్నం, షిరిడీ–మచిలీపట్నం వంటి రైళ్లు కూడా హైటెక్ సిటీ స్టేషన్‌లో ఆగనున్నాయి.

ఈ రైళ్లు ఉదయం నుంచి రాత్రి వరకు వివిధ సమయాల్లో హైటెక్ సిటీ స్టేషన్‌కు చేరుకుని బయల్దేరేలా షెడ్యూల్ చేశారు. కొన్ని రైళ్లు ప్రతిరోజు సేవలు అందిస్తాయి, మరికొన్ని వారంలో నిర్దిష్ట రోజులలోనే నడుస్తాయి. పూర్తి టైమింగ్ వివరాలతో ప్రత్యేక చార్ట్‌ను రైల్వే అధికారులు విడుదల చేశారు.

ఈ తాత్కాలిక ఆపేట్లతో సికింద్రాబాద్ రైల్వే స్టేషన్‌లో ప్రయాణికుల రద్దీ గణనీయంగా తగ్గుతుందని అధికారులు భావిస్తున్నారు. అలాగే హైటెక్ సిటీ పరిసర ప్రాంతాల ప్రయాణికులు అందుకు దగ్గరగా ఉన్న స్టేషన్ నుంచే రైలు ఎక్కే అవకాశం పొందుతారు. సంక్రాంతి పండుగ సమయంలో ఈ ప్రత్యేక ఏర్పాట్లు ప్రయాణికులకు మంచి ఊరట ఇస్తాయి.

#Sankranti2026#FestiveTravel#SouthCentralRailway#IndianRailways#PassengerConvenience#TrainHalts#HolidayRush#RailwayUpdate
#TravelAlert#HitechCityStation#Secunderabad#FestivalSpecial#PublicTransport#SafeJourney