తమిళం నుంచే కన్నడ పుట్టిందన్న కమల్‌హాసన్ వ్యాఖ్యలు: కర్ణాటకలో ‘థగ్ లైఫ్’పై నిషేధ గండం

చెన్నైలో ఇటీవల జరిగిన ‘థగ్ లైఫ్’ సినిమా ఆడియో లాంచ్ ఈవెంట్‌లో విలక్షణ నటుడు కమల్‌హాసన్ చేసిన వ్యాఖ్యలు తీవ్ర వివాదానికి దారితీశాయి. తమిళ భాషా నుంచి కన్నడ భాషా పుట్టిందని ఆయన చెప్పిన కామెంట్స్ కర్ణాటకలో ఆగ్రహానికి కారణమయ్యాయి. కన్నడ నటుడు శివరాజ్‌కుమార్ సమక్షంలో కమల్, “తమిళం నా జీవనం, నా కుటుంబం. కన్నడ భాషా తమిళం నుంచి పుట్టింది, కాబట్టి మీరు కూడా మా కుటుంబంలో భాగమే” అని వ్యాఖ్యానించారు. ఈ వ్యాఖ్యలు కన్నడ సంఘాలు, రాజకీయ నాయకుల నుంచి తీవ్ర విమర్శలను రాబట్టాయి, ఫలితంగా కమల్‌హాసన్ నటిస్తున్న ‘థగ్ లైఫ్’ సినిమాపై కర్ణాటకలో నిషేధం విధించే అవకాశం కనిపిస్తోంది.

కర్ణాటక రక్షణ వేదిక వంటి సంస్థలు కమల్ వ్యాఖ్యలను కన్నడ భాషా, సంస్కృతులను అవమానించే విధంగా భావించి, సినిమా ప్రదర్శనను నిషేధించాలని డిమాండ్ చేస్తున్నాయి. కర్ణాటక ముఖ్యమంత్రి సిద్దరామయ్య కమల్ వ్యాఖ్యలను తప్పుబట్టగా, బీజేపీ నాయకుడు బి.వై. విజయేంద్ర క్షమాపణ చెప్పాలని డిమాండ్ చేశారు. అయితే, కమల్ తన వైఖరిని సమర్థిస్తూ, “నేను తప్పు చేయలేదు. ఇది నా జీవన విధానం” అని స్పష్టం చేశారు. మణిరత్నం దర్శకత్వంలో రూపొందిన ‘థగ్ లైఫ్’ జూన్ 5, 2025న విడుదల కానుంది, కానీ ఈ వివాదం కారణంగా కర్ణాటకలో దాని ప్రదర్శన అనిశ్చితంగా మారింది.