ఆపరేషన్ సిందూర్ ఓ చిన్న యుద్ధం అంతే: ఖర్గే

ఆపరేషన్ సిందూర్ ఒక చిన్న యుద్ధం మాత్రమేనని ఏఐసీసీ అధ్యక్షుడు మల్లికార్జున్ ఖర్గే వ్యాఖ్యానించారు. కర్ణాటకలో జరిగిన ఒక ర్యాలీలో ఆయన మాట్లాడుతూ, కేంద్ర ప్రభుత్వం ఆపరేషన్ సిందూర్ పేరుతో చేసిన ఈ చర్యను తక్కువ చేసి మాట్లాడారు. పహల్గామ్ ఉగ్రవాద దాడి గురించి ప్రధానమంత్రికి ముందే సమాచారం ఉందని, అందుకే ఆయన తన కశ్మీర్ పర్యటనను రద్దు చేసుకున్నారని ఖర్గే ఆరోపించారు. ఈ విషయంపై ప్రభుత్వం మౌనంగా ఉండటం పట్ల ఆయన తీవ్ర అసంతృప్తి వ్యక్తం చేశారు.

ఈ సందర్భంగా ఖర్గే మాట్లాడుతూ, పహల్గామ్ దాడి గురించి అక్కడి పోలీసులకు సమాచారం అందించి ఉంటే 26 మంది ప్రాణాలు కాపాడబడి ఉండేవని పేర్కొన్నారు. ‘ప్రధానమంత్రి తమ భద్రతను మాత్రమే పట్టించుకున్నారని, ప్రజల భద్రతపై శ్రద్ధ చూపలేదని’ ఆయన విమర్శించారు. ఈ వ్యాఖ్యలు రాజకీయ వర్గాల్లో తీవ్ర చర్చనీయాంశంగా మారాయి. ప్రభుత్వం ఈ ఆరోపణలపై ఎలా స్పందిస్తుందనేది ఆసక్తికరంగా మారింది.